紅豆沙：€-€ 早排睇到單內地新聞，話番禺有位男子做割包皮手術，點知手術做到一半麻醉藥突然失效，於是該名男子只好忍痛做埋餘下嘅手術。須知道雖然十指痛歸心，但男士嘅兵器一受傷，嗰種痛法真係超難頂，仲要忍住痛嚟做手術，呢啲真係男人最痛呀！
芝麻醬：@o@ 嗰種痛法我都有類似嘅體驗，真超激痛呀！點解話係類似嘅體驗？話說有次我同班老友落吧飲酒，飲到Wing Wing哋去廁所，小解完後一拉褲鏈，即刻痛到我大叫！事關我未收番好支兵器就拉埋條鏈，啲皮夾喺條鏈中間，真係痛到呢……
最懶一天：^_^ 原來樓上都試過呀！我仲以為得我咁笨添！你都算好啲，最後可以拉得番支兵器出嚟，我就慘囉！塊皮夾喺條褲鏈度實一實，我既要忍痛拉番開條拉鏈，又要慢慢咁郁驚扯甩塊皮，最後仲因為彎腰彎得太耐，搞到要搵我條女幫手，家陣仲畀佢笑緊呀！
大橙皮：€※€ 其實夾小兄弟同監生割包皮都唔算痛，最痛嘅應要數拗斷支兵器。話說美國就有男士，女友喺床上玩緊騎牛牛之際，點知女友坐落去嗰一刻，個男人大叫一聲後就暈咗，原來佢畀女友騎斷咗！最慘嘅係手術過後，每朝早佢都痛醒一次，仲一連痛咗成個月添呀！