三藩市係美國嘅同志重鎮，每年有大大小小嘅同志遊行不計其數，而6月就有「SF Pride」，佢係一個好有吸引力嘅同志遊行活動，2012年嘅遊行主題就係「全球平等」，參與人數超過3,000人，包括有藝術花車、藝術表演者、同志組織代表等等，都鍾意穿上自己設計嘅出位服裝參與遊行。遊行隊伍十分多元化，有男同志、女同志，仲有雙性戀、易服癖等等，總之要宣揚世界大同，全球平等嘅訊息。沿途隨時有幾萬人圍觀，好多大膽嘅少女，以近乎赤裸嘅身軀，向圍觀者表達出自己渴望平等嘅訊息。當日無論男女、攣直都同樣會大膽地表現自己嘅性取向，甚至公開親熱，將現場氣氛推上高峰！