倫敦出名多Table Dance Club，而且有好多仲係豪華場，同美國嘅鋼管舞會所感覺好唔同，消費當然更加高；去得幫襯嘅人都係非富則貴，或者係專業人士，所以佢哋要求都比較特別。舞孃唔止要舞技出眾，性感誘人，仲要博學多才，十足十以前嘅青樓紅牌一樣，可以同客人天南地北，講心又講金，唔會單純講性慾咁簡單。好似呢間《Stringfellows》就係倫敦其中一間豪華桌上舞俱樂部，客人晚上7時後，就可以隨時行入去，要求舞孃跟你共進燭光晚餐，大家談談情跳跳舞，互相溝通一番，全程由淺入深，最後舞孃先至為你提供私人桌上舞做飯後甜品，十分圓滿。