模特兒可以按產品拍攝分類，例如拍婚紗照嘅，就叫做婚模，有模特兒出席車展最多，我哋就叫佢做車模，而今日要介紹嘅就係缸模，即係佢哋成日喺浴缸度拍攝或者有啲浴缸照特別出位，因此而成名。
論人氣缸模，非彭紫烊莫屬，阿女係喺北京發展嘅演員同模特兒，出道都有一段日子，但就比較少人認識，但自從佢拍咗一輯浴缸寫真後，佢嘅照片就喺網上大量轉載，家陣只要打上彭紫烊嘅名同埋浴缸兩字，就會出現數都數唔晒嘅網頁，絕對人氣大盛，甚至連台灣同香港都有佢嘅粉絲，可想呢一輯浴缸照有幾咁受歡迎。
老家：江蘇
三圍：33-24-35
身高：166cm
賴佳怡係四川成都人，出道一年多，唔講唔知佢除咗係模特兒之外，仲係一名空姐，所以只要唔使飛嘅時候，才可以接受工作，亦因為咁，佢接嘅工作貴精不貴多，喺今年就接拍咗一個浴具廣告，其中一輯浴缸照，雖然只着汗衫，但濕身示人，性感度大增，一改平時空姐形象，令人印象深刻，所以順利成為缸模嘅第二位。
老家：成都
三圍：35-24-36
身高：166cm
嚟自重慶嘅萬曦媛，出道有兩年多，一直都以少女形象示人，但有次按攝影師要求，着住顯眼嘅三點式泳衣，然後懶洋洋咁瞓喺浴缸度拍攝，自此一炮而紅，除咗殺出一條性感路線外，仲多咗好多浴具公司搵佢幫手做宣傳，但可惜曦媛家陣一心轉型，想做影視工作，所以暫時封盤告別性感，否則，缸模嘅第一位都有得佢做呀！
老家：重慶
三圍：33-23-34
身高：165cm
撰文：祖