最近日本有個風俗網站同百多位出張系客人做咗個調查，內容係問佢哋訂咗心儀嘅囡囡後，跟手會約佢哋喺乜嘢地方見面？心諗一定係酒店房啦，但原來日本嘅玩家唔喜歡囡囡咁樣送上門，而係喜歡喺外面見面，再齊齊開房，真係估佢唔到！
日本好多男人都喜歡喺地鐵站口等女朋友，所以呢批顧客都唔例外，喺網上訂咗囡囡後，都想佢哋扮成自己嘅女友，再喺地鐵站口等佢出現，而且等嘅時候又驚又喜，佢哋話好有初戀時嘅感覺，之後囡囡嚟到，見到佢刻意打扮，真係心花怒放，跟住手拖手咁去開房，別有一番風味，滿足感攞足一百分！
呢批人同第一批嘅一樣，都想有拍拖時等女朋友嘅感覺，但係又怕畀熟人見到，所以取消行街街一節，索性就約囡囡喺酒店門口或者大堂見面，顧客訂定房攞定鎖匙，然後扮晒嘢等女，當囡囡嚟到，感受一下等候女朋友嘅感覺，之後就可以拿拿臨拖囡囡上房，免被其他熟人睇到。好多有婦之夫，都會選擇咁樣嘅玩法。
顧客會選擇酒店附近嘅餐廳，一來同樣有等候女友嘅感覺，二來往來酒店又方便，三來坐喺餐廳等囡囡，冇企喺大街大巷咁尷尬，呢啲多數係專業人士，萬一有朋友遇上，都容易解釋，而且囡囡嚟到仲可以同佢先飲杯嘢，慢慢談吓心，喜歡吹水嚟熱身嘅朋友最喜歡用呢招，之後再拖囡囡去酒店開房，簡直人生一大快事。
撰文：賢