東莞仔大部分老友北上玩樂，都係想搵女搞嘢，但估唔到有個老友阿細，竟然話北上係想搵女陪食飯，真係令人百思不得其解，不過世事無奇不有，搵女陪食飯都唔算奇，奇就奇在阿細咁忍得，就算遇到索女都唔上房，齋談心咁奇怪！
佢話好多人都對內地囡囡有誤解，以為個個都可以為咗錢，唔介意出賣肉體，佢話其實有好多囡囡都係賣笑唔賣身，佢就係鍾意佢哋夠堅持，所以北上玩樂一定會搵唔賣身嘅囡囡陪食飯，大家培養吓感情，如果真係覺得啱先再算。佢話呢啲囡囡平時都喺酒樓、食肆上班多，經過中間人約出嚟，陪吓男人食飯、飲酒耍樂，呢啲飯局最多都係畀人抽吓水，摸吓手仔，大庭廣眾，唔做得出好離譜嘅動作，而客人早已經同中間人溝通好，唔會有下文。
阿細話呢啲囡囡其實都係良家婦女，雖然為咗錢出嚟陪坐陪玩，但係好多私底下都有情人，所以唔會出賣肉體，一定要緊守最後防線，當然有好多鍾意向高難度挑戰嘅男人，會無所不用其極，出動大量金錢誘惑，最終可能會有一兩個囡囡上釣。不過阿細話自己就唔會咁做，因為唔想破壞呢種咁超脫嘅關係，佢話埋牙肉搏嘅囡囡喺內地大把，呢啲齋食飯嘅先至矜貴，所以佢唔會隨便出手打破規矩，除非真係遇到天仙，唔食唔得喇！
地點：蘇州
語錄：美女陪食無下文，高尚情操齋談心。
撰文：東莞仔