知情識趣：做愛強心

相信大家都聽過所謂男人嘅一滴精就等如十滴血，所以大家千祈唔好亂咁浪費，咁至可以保障身體健康嘅說法。不過，好多醫學研究都發現，適當地進行性事其實有助身體健康，心情亦特別暢快。最近有英國大學發表研究結果，指出做愛有助強心。研究邀請到914名年齡介乎45至59歲嘅男士協助進行。眾男士當中，有五分之一每月只做一次愛，甚至一次都唔做；四分之一就每星期做愛兩次或以上，其他男士嘅做愛次數就介乎前兩者之間。再經深入調查之後，發現眾多男士當中，每星期做愛兩次嘅組別患上心血管疾病嘅比率最低，即係話做愛有強心作用。