玩家去新地頭玩樂，除咗可以搵老友攞定料外，仲可以搵當地嘅的士司機。事關佢哋日日周圍去熟晒架步，搵佢哋帶路包冇走雞。原來唔單止內地可以咁做，美國亦有的士司機幫手帶路搵女，只係想佢哋幫拖嘅話，首先要同佢哋預約服務，否則未必會騷你。
據講呢啲色慾的士司機並非一般的士司機咁簡單，事關搵佢哋帶路尋芳獵艷，先要喺網站度登記資料，講明有幾多人成行、想去邊度玩同埋想玩啲乜，然後有專人聯絡玩家。可能有人會問點解要搞得咁複雜，喺街度做伸手牌咪得囉！咁做當然有佢嘅原因啦！原來為咗的士司機安全同埋以免引起爭拗，先至採用有關嘅方法，好似有司機就曾經因為帶咗個客去搵地方，去到時個玩家卻反口唔認叫司機帶路去玩，仲屈司機賠車費。此外，司機又可以按玩家想玩嘅路線，或者酒店嘅位置嚟設定要去嘅場地，咁就更加冇甩拖啦！
除咗有熟悉地頭嘅司機帶路，唔使盲摸摸咁麻煩外，搵呢啲司機幫忙仲有乜嘢着數呢？答案就係有折扣。原來司機所帶去嘅場所，玩家都可以一定嘅優惠價錢玩樂，例如去夜總會嘅話，酒水會有優惠價；去的士高嘅話，則可以慳番入場費等，對玩家嚟講係咪有So先？不過，有啲玩家卻唔鍾意去夜場玩，鍾意食路邊菜，唔知司機又會唔會帶路，同埋會唔會有折扣呢？司機當然會帶路，只係佢哋並唔會為玩家講價，因為食呢啲野餐係玩家嘅選擇，最多佢哋會帶玩家去囡囡集中嘅地方，若然想玩平價嘅話，只有靠玩家自己。
呢啲司機不但會帶玩家去夜場，或者去街邊搵野餐食，仲會租埋架車畀玩家用嚟玩車震添！點解要用個租字呢？因為呢項車震服務要另外收費之餘，若然架車泊喺收費停車場嘅話，所有停車費用均須由玩家承擔。此外，的士嘅出租服務係按半粒鐘時間嚟計，換言之，玩家如果只係玩咗廿分鐘，都會按半粒鐘嘅時間計算，而每半粒鐘嘅收費則要從一百美金起錶，折合約為780港紙，抵唔抵玩就自己計計喇！
撰文：峰魂簫