渡海濠情：炒賣明星相男友搵着數
最近有啲學生哥炒賣遊戲卡，由一蚊炒到七千蚊，獲利豐厚，社會輿論就歸咎於學童父母同樣沉迷炒賣所致。嚟自極品桑拿嘅靚女美美，佢話自己細個時就已經識得炒賣香港嘅明星相，但父母只識炒菜，相信應該同父母無關。
愈炒愈貴
美美話：「當年有個阿叔成日嚟香港，佢知道我迷啲香港明星，所以每到香港，佢就會買幾百張唔同嘅明星相畀我當禮物，於是愈嚟愈多，而且當中唔少係重複，我就問啲同學要唔要，佢哋一見係香港明星相，不知幾開心，由一蚊張賣到十蚊張都爭住要，當年四大天王嘅相，更係價值連城，最平嘅都要八十蚊張，等如成個星期嘅零用錢咁滯，但都搶住要。」咁你咪係個小富婆？美美話：「都幾富o架！由於身上有錢，所以成日都去玩，最後更誤交損友，連隻豬都畀人呃埋！」
專呃女仔
你隻豬係點失o架？美美話：「有個男同學扮學友好似o架！我哋一放學就去唱K，佢成日用佢嘅聲嚟唱情歌畀我聽，聽聽吓咪畀佢氹掂咗囉！」咁你都好威啫！A貨學友同你有一手！美美話：「威乜嘢吖！正衰人嚟o架！後嚟知道我賣相賺到錢，於是佢幫我手賣，由於買嘅都係女同學多，有啲女仔為咗買相更色誘佢，佢當然食得唔好嘥，喺我背後呃咗好多女同學，事後知道咪一腳踢走佢囉！所以炒賣唔使人教，亦都唔係受父母影響，最重要就係你有冇生意頭腦啫！」
美美Profile
年齡：21歲
三圍：35-24-35
撰文：小德 攝影：阿昌