吉林最近開咗一間女僕咖啡店，全場女僕除咗要以傳統日式女僕裝示人外，為咗保持原汁原味，老闆仲要求囡囡以日語同客人交談，只要有客人光臨就要大叫「歡迎光臨」，但重點唔係囡囡講日語，而係非常重視口音同表情。
大家有留意日本囡囡講嘢就知道，佢哋表情同動作多多，例如尷尬時，頭會側埋一邊，唔識作答時又會食指對食指，不知所措，當聽到一啲新奇故事時，仲會大聲叫「嗯」，呢啲細節就係日本囡囡最獨特同埋最吸引人嘅地方，過往嘅女僕餐廳都開咗唔少，但好少老闆留意得到，而今次呢位老闆，就將呢個元素加埋入去，強烈要求囡囡除咗講得一口流利嘅日語之外，連呢啲小節都要模仿埋，等客人入去幫襯，就有如親臨日本女僕餐廳，難怪呢間餐廳受到網友嘅讚賞。
事件曝光後，有網友就呼籲其他夜場老總都學吓嘢，佢哋經常吹噓自己嘅場有日本妹或者AV女優，但唔係着件衫就算，應該喺細節上交足功課，好似骨場經常有囡囡着件AKB48嘅制服，就當自己係日本女神，但有其形而欠其神，一啲表情動作，仲要有待改善。當然，你要夜場囡囡講晒日語，真係冇乜可能嘅事，但可以喺細節上做啲工夫，例如囡囡同客人吹水，抑或上床時嘅神情動作，只要肯好好學吓，效果就會零舍不同，否則就咪扮日本妹囉！何必夾硬嚟，搞到囡囡難做，客人又接受唔到呢？
語錄：夜場囡囡扮㗎妹，形神兼備真有趣。
撰文：小德