天氣愈嚟愈熱，長頭髮嘅囡囡都幾辛苦，所以留一頭短髮嘅女仔，就會畀人特別清爽嘅感覺，不過如果你係模特兒，留短髮都幾麻煩，因為造型變化有限，但亦都有例外，最近內地網友就選咗三個短髮嘅人氣模特兒，果然畀人有種不一樣嘅感覺。
何亞萌出道兩年左右，絕對係一位新人，但人氣不俗，除咗有175cm嘅身高，同埋37吋嘅巨乳之外，相信最吸引人嘅地方，就係留有一頭短髮，喺芸芸新人中別樹一格，感覺獨特。一頭短髮更畀到人爽朗活潑、青春無敵嘅效果，難怪網友們對她極度支持，將佢嘅寫真不停轉貼，令亞萌嘅人氣不斷升高。
出生：天津
三圍：37-24-35
身高：175cm
李楚君係2011年全國性嘅模特兒大賽獲獎人馬，所以論人氣，早已街知巷聞，而佢原本係位長髮姑娘，形象斯斯文文，但喺舊年為工作，拍咗一輯短髮寫真，照片出街後即時人氣大增，因為留有一頭短髮嘅楚君更具美態，氣質倍升，令好多以前冇留意佢嘅朋友，都加以關注，人氣有增無減。
出生：西安
三圍：34-24-35
身高：170cm
2010年出道嘅房程程，當年只以玩票性質參與模特兒工作，原來佢係大連某大醫院嘅深切病房護士，所以出道無耐已被網友喻為最美麗嘅看護，由於工作關係，留有一頭短髮，但為咗攝影師嘅要求，有時會以長髮亮相，但有時亦會以真短髮示人，但短髮畀人清新感覺，與程程嘅氣質相配，所以反而更受網友歡迎。
出生：大連
三圍：32-24-35
身高：166cm
撰文：祖