知情色趣：半裸抗加費

家陣真係百物騰貴，呢樣又加，嗰樣又加，令經濟負擔甚重嘅打工仔百上加斤。不過，打工仔負擔重，讀緊書嘅學生哥一樣咁重呀，好似加拿大咁，班大學生就係因為加學費，搞到要半裸遊行添。早前，加拿大蒙特利爾嘅街頭出現咗好多年輕男女身穿內衣褲遊行，由於班女學生好多都身材又Fit又白滑，所以佢哋只穿胸圍底褲，或者只係以膠紙貼住兩點遊行，引起途人同媒體注意。據講，佢哋之所以遊行，其實係因為政府話要加大學學費，而選擇呢個日子同呢個方法，就係因為近日車壇盛事加拿大F1大賽正在進行，所以咪諗到如此出位嘅方法惹人注意囉。