有人會為回味不已嘅性愛，精挑喺五星級酒店豪華房內曳曳，亦有人覺得曳曳最緊要即興，情到濃時唔理喺邊，只要冇人睇到，邊度都係曳曳性地！不過美國就有網站做咗個調查，睇吓喺女士心目中，邊個地方係佢哋認為最差嘅切磋地點。唔想畀女友詐型嘅話，就要睇吓以下嘅結果，咁就唔會揀錯地方。
唔少嘅愛情電影，都有男女主角拖手仔行火車軌嘅一幕，真係既浪漫又Sweet！喺咁正嘅氣氛下同女友梳乎梳乎，你話係咪好正呢？點知有勁多嘅美國女性，話呢個絕對係Worst Idea！佢哋之所以話係勁差嘅主因，皆因美國有唔少火車軌，平時雖然唔覺有火車通行，查實日日都有火車經過，仲要係時間唔定嗰隻。若然喺度曳曳，唔單止隨時有生命危險，而火車軌間又多便便等嘅穢物，喺度曳曳喎，就算女友話自己膽生毛唔怕有車行過，都擔心地方污糟啦！
睇戲嘅時候，好多時見到情到濃時嘅男女主角，會喺車頭冚度纏綿一番，不知幾咁Romantic。點知卻有唔少女士反映，話呢啲只係拍戲嘅橋段，現實中一啲都唔Enjoy，箇中原因竟同美國嘅男士懶洗車有關！原來美國唔少地方都好大沙塵，有啲男士卻懶於洗車，車頭冚唔係鋪咗層沙，就係有好多污糟嘢，最慘就係喺車頭冚度玩，都係以男上女下嘅甫士進行，結果女友身上唔係黐晒沙，就係搞到污糟邋遢，仲想玩得投入兼享受？好難喇！
講起打野戰，好多人第一時間就諗到樹林，皆因呢個地方冇乜人去之餘，又有大樹好遮陰，就算剝光豬喺度曳曳，都唔怕曬親個八月十五，因此喺唔少男士心目中，都覺得樹林係首選。既然係咁，點解會被女士認為唔係野戰好地方呢？唔少女士表示樹林有好多雀仔，雀仔踎喺樹上會放下幾両，企喺樹枝度又放低幾両，搞到身上又臭又惡心，最攞命嘅更係湖邊同河邊嘅樹林，皆因有啲食魚嘅雀仔喺度棲息，佢哋嘅便便更係又臭又腥，你話係咪惡頂先？
撰文：魂