雖然巨大嘅胸部每每令男人睇得熱血沸騰，但係大得嚟都要夠堅挺夠美觀至得，再講，好多已婚男人其實都唔鍾情於巨乳。據日本多年前嘅一個調查顯示，巨乳令佢哋聯想到屋企中年發福，連帶上圍增大嘅黃面婆，勾起不少負面情緒，故此佢哋出去滾嘅時候，就特別搵來年輕而胸部屬微乳級嘅美少女，以增加新鮮感嚟喚起久未露面嘅雄風。如果大家又同佢哋一樣咁諗，前早安少女組成員新垣里沙最近嘅寫真集，就絕對適合大家欣賞喇。新垣里沙13歲就出道，成為第五代早安少女組成員，之後仲成為第七代組長，憑住可愛活潑嘅形象深得樂迷支持，近年就轉以個人身份唱J-Pop為主。阿妹今次拍攝呢本寫真集《ASCENSION》嘅時候，會罕有地以內衣形象演出，當然亦唔少得着三點式啦。雖則佢係微乳一族，但係勝在性感得嚟自然，自然得嚟又健康，加上拍攝手法上佳，令寫真集極具欣賞價值，一向熱愛巨乳嘅朋友亦不妨換一換口味。