東莞仔有老友阿盛話最近內地有好多婚姻介紹所，掛羊頭賣狗肉，表面係安排男女相睇，實則係安排男女交歡，因為呢門生意表面好正當，所以被掃嘅風險好低，生意自然愈做愈旺，阿盛就話自己已經相睇過好多次，次次都同新相識擦出愛火花，肉搏連場。
阿盛話佢去開嘅婚姻介紹所，大多喺寧波，佢都係睇到廣告，好奇之下先去睇睇，結果真係佢心中所想，有蠱惑！佢話通常打電話過去，職員都唔會講得太明，只係講啲唔講啲，等你心思思就親身去一次。阿盛去過幾間，間間都係唔夠三百呎嘅舖頭仔，客人一入就會獲派一本相簿，慢慢睇慢慢揀，如果有啱心水嘅就交四百人仔入會費，然後公司會立即安排相睇事宜。通常交咗錢之後，唔使十五分鐘，剛才揀啱嘅囡囡就會出現，兩人就可以即刻出街交往。
不過出到街之後，囡囡一定會借啲意送波餅，又發晒訊息表示自己隨時都可以有下文，當阿盛覺得都有意思之後，就會要求上房繼續談心，呢個時候囡囡就會話自己家有親人病倒，所以先迫不得已想搵個老公，希望可以喺經濟上幫到手，客人應該好明白，咁嘅暗示即係再要畀錢喇！通常都係要畀多四五百蚊，先至可以有下文，如果唔係行街、睇戲、食飯又得，拖吓手仔，撞吓波仔都得，但係想埋牙的話，就要付出多啲喇！
地點：寧波
語錄：另類相睇好過癮，相簿任揀囡囡多，上唔上房你諗諗。
撰文：東莞仔