笨占：#o#有專家話行雷閃電時，千祈咪進行花灑浴，否則好易因為觸電而造成危險，其實照佢咁講，我哋逢係行雷閃電都唔可以進行性行為啦，事關事前事後都例必沖身，如果去搵囡囡仲會齊齊洗白白添，咁咪好容易中招，鴛鴦都變燒雞，到時畀人抬出時，直筆甩都好地地，萬一有乜嘢大動作，真係笑鬼死人呀！
王老邪：^v^邊有咁容易呀，阿叔我縱橫江湖咁多年，無論好天晴天，翻風落雨，就算行雷閃電，我都照去搵囡囡，由三溫暖嘅浸池，到九龍塘嘅電動浴缸，阿叔都試過晒，以前啲唐樓，避雷針都冇支，我一次都冇畀電電過，所以咪自己嚇自己，邊有咁多意外，如果你成日都諗住，他朝有日一打雷，隨時都會令你無法勃起。
剩女M：^v^我記得唔知係素女經定係肉蒲團講過，話每逢打雷嘅日子就不宜行房，可能就係咁嘅意思，古人都咁講，加上現代專家意見，睇嚟我都係少啲喺行雷閃電嘅日子曳曳啦！但我老公好奇怪，佢每逢行雷閃電嘅日子，至會性趣大增，每次我哋喺屋內翻雲覆雨，搞到我高潮迭起，令人回味無窮。
李山山：+_+你就好啦！我老公就啱啱相反，佢每逢行雷閃電就會冇心情做愛，此外佢話天氣太熱，天氣太凍，黃色暴雨，黑色暴雨，一號風球，酷熱天氣，紫外線過強等，都話唔想做，加埋初一十五，廿四節氣，節日前後，滿天神佛嘅寶誕等，一年可以曳曳嘅日子真係十隻手指都數得到，我究竟要離婚定捉佢去睇精神科醫生好呢？