導彈媚：^v^
今次冇死啦！據講日本有個調查，每當經濟唔好嘅時候，演藝界就會有個波霸女優出現，只要呢個女優一火紅起來，經濟亦都會隨之改變，社會嘅消費力同購賣力都會大增，好快就會脫離不景氣嘅現象，家陣香港巿道都唔係咁好，係咪要啲波壇前輩出嚟救吓巿呢？
竹筍卿：@o@
想當年班波霸出道之時，正好係90年代，香港經濟簡直係番幾番，十萬蚊嘅樓炒到過百萬，人工收入亦由幾千蚊個月漲到幾萬蚊，人人豐衣足食，但當九七後一息影，樓價股價齊齊插水，簡直慘不忍睹，最悲哀連人工都大打折扣，15年嚟經濟一直冇起色，原因好簡單，就係冇一個波霸級艷星，做接班人囉！
湯碗娜：€※€
近年有唔少年輕囡囡大拋事業線，以波濤洶湧示人，確實令經濟有啲小陽春，但虛火一過，就無以為繼，問題就係呢啲囡囡好多都唔係真正巨乳，唔係加建就係靠胸圍頂住，觀眾嘅眼睛係雪亮嘅，所以冇一個真正能夠紅得起嚟，所以經濟想好轉都難，想當年兩位阿姐，一Show對巨乳出嚟，就已經萬人空巷，無人能及。
米袋玲：$(Ъ($
其實新人中有真材實料囡囡都有唔少，但佢哋就係唔捨得豁出去，有啲更收收埋埋，唔好話觀眾唔知，就算自己經理人都未必知，唔將優點充分發揮出嚟，你話想紅都難，但佢哋統統都冇所謂，因為佢哋入娛樂圈嘅目的，並唔係要紅，而係想嫁個有錢人，所以守身如玉，待價而沽，自己發達就夠晒，理得大家咁多咩？