韓國車模地位十分超然，因為最紅嘅車模可以進軍埋模特兒界同娛樂圈，但其他界別嘅靚女，就好難走去做車模，當地網友就選出最具潛力嘅三位，睇好佢哋好快就會殺入娛樂圈，想知佢哋有啲乜嘢本事，馬上睇睇。
被稱為韓國三大車模之一嘅黃美姬，隨着兩位前輩先後進入娛樂圈後，佢係現任車模中最有實力，勇闖娛樂圈嘅人馬，黃美姬出道都有一段日子，由於樣靚身材正，所以人氣極盛，但因為同佢同期嘅林智慧同李智友實力超凡，所以一直被比下去，但兩人先後離開車模界後，美姬已係阿姐級人馬，加上粉絲眾多，呢期最紅車模實有佢份！
出生日期：1982年1月21日
三 圍：33-24-35
身 高：174cm
李聖花被譽為美腿天后，佢一對腳不知迷倒幾多男仔，論樣貌，本應唔差，但同期太多高手，於是被比下去。好彩由於眾多師姐離開，家陣喺車模界已成炙手可熱嘅一姐，而且更拍廣告同做代言，人氣一時無兩，李聖花除咗長腿，佢一對34吋大包，亦都十分誘人，加上佢能言善道，所以粉絲估計佢今年入硬娛樂圈。
出生日期：1986年9月11日
三 圍：34-24-34
身 高：173cm
05年出道嘅姜唯伊，喺車模界雖然冇乜名銜，但相信冇乜龍友會唔識得佢，佢喺車展中被拍攝嘅照片，經常被人放上網，所以人氣極盛，加上姜唯伊氣質特別，畀人秀外慧中嘅感覺，但咪睇佢外表斯斯文文就冇殺傷力，佢擁有34吋嘅上圍，加上胸圍承托，照片經常都有出人意表嘅效果，所以有唔少網友們支持佢，成為大熱之一。
出生日期：1982年12月16日
三 圍：34-25-36
身 高：176cm
撰文：小德