路邊妹大家就聽得多，唔知公路妹大家又聽過未，最近內地就搗破咗個操控公路妹嘅集團，抓獲16個年齡由18至32歲嘅囡囡，佢哋喺高速公路嘅油站出沒，專向長途車司機埋手，上車後就提供色情服務，深受司機嘅歡迎。
據稱佢哋由一個加油站，去到下一加油站，一般車程都有一個小時以上，司機可以停埋一邊就地正法，但亦可以一邊駕駛，一邊享受特別服務，當然不同嘅服務，就有不同嘅消費，服務完畢，車到另一個加油站，就放囡囡落車，囡囡就喺度再搵另一部車嘅司機提供服務。據報道指，佢哋一日最多可以做到八至十個客，而最多幫襯嘅就係大型貨車司機，主要原因唔係佢哋特別鹹濕，而係佢哋架車車身較高，停埋一邊喺車上做乜都冇人知，就算駕駛緊囡囡做乜嘢服務，亦唔易畀人睇見。
至於私家車司機就比較麻煩，要享受服務，通常都要駛離公路，去附近小旅館正法，但時間就要花好多，除非兩人同行，一人駕駛，一人就可以喺後排位正法，之後交換位置，一個小時內更可賺多一份嘅錢，其實上得高速公路，人人都趕時間，所以停埋一邊享受嘅較少，但一邊享受，一邊揸車，你都咪話唔危險，據講今次能搗破呢個賣淫集團，全因近期有多宗交通意外發生，發現司機褲子脫落，而身旁有妙齡女子，於是順藤摸瓜，先至破到呢個賣淫集團，所以話揸車就揸車，咪咁鹹濕啦！
地點：福建
語錄：高速危險多，揸車咪那個。
撰文：小德