歐美四仔之所以咁受歡迎，除咗因為場面激烈，經常有一女鬥多男嘅大混戰，以及女優又索又狂野之外，最重要就係多數都係打真軍，男優個個都唔會戴安全套上陣。而近年歐美四仔仲吸收日本鹹片嘅風格，唔少都會大玩中出，令作品激上加激。不過，好快就冇呢支歌仔唱喇。因為，美國洛杉磯市議會早前決議，限制市內嘅四仔片商安排拍攝嘅時候一定要着令男優戴套，以預防愛滋病傳播。最近就開始實施九十日寬限期，限期一過就一定要部部作品都要做足安全措施。雖然，係就係影響作品嘅觀賞價值，但係為咗保障男女優嘅安全，此舉都係明智。
雖然歐美四仔女優好多都人氣鼎沸，成為萬千男士嘅偶像，之不過，世人對佢哋嘅目光都偏向鄙視，覺得佢哋拍鹹片唔應該扮晒大明星。然而，我就覺得佢哋都係演員，只係於作品當中動作較多而已，為藝術而作出嘅犧牲分分鐘高過好多演員。最近，超人氣脫星Sunny Leone就成功擺脫世人嘅奇異目光，因為阿妹佢早前為一個安全套品牌拍廣告，而呢個廣告仲成功於電視播放，證明佢已經有資格入屋，相信好多脫星往後亦有機會上電視喇。
大家只要到網上討論區睇一睇，就會發現有好多資源分享嘅欄目入面，都有大量情慾片段被上載。當中唔少都係由網友自拍，再上載到網上畀大家欣賞。如果閣下都有類似嘅興趣，又想公諸同好，咁就不妨參加美國Good Vibrations' 7th Annual Indie Erotic Quickies Competition喇。呢個比賽就係畀各界人士，將片長唔超過七分鐘嘅自拍情慾片段上傳到www.goodvibes.com，然後再經評審評分，咁就有機會贏得千五蚊美金喇。
撰文：小德