日本有個年輕女性網站，最近替啱啱畢業嘅女高中生做個調查，睇吓有幾多人畢業後，唔抗拒加入風俗店呢個行業，出嚟嘅結果，竟然有三成多囡囡表示唔抗拒，答案都幾出人意表，點解會咁呢？當中又邊幾種佢最鍾意呢？
囡囡話出張店唔使日日返工，自由時間較多，有好多時間可以做自己嘢，而且唔使出入風俗店，唔怕畀熟人撞到，或者畀途人指指點點，避免不必要嘅尷尬，加上接到Call只要準時赴約，單對單面對客人，少咗好多人事鬥爭，最重要就係出張店雖然係要同客人真槍實彈作戰，但相對收入大增，收入多付出少，囡囡自然樂於去做。
近年有好幾套描述無知少女轉眼成為夜場No.1嘅勵志電視劇，令唔少囡囡對夜場改觀不少，加上囡囡喺夜場返工，個個都打扮到靚一靚，成個明星咁，雖然要拋頭露面，但能夠成名，日本嘅囡囡連AV片都敢拍，何況係做夜總會囡囡呢？加上收入又真係幾吸引，而且公司唔一定要求囡囡賣身，當然肯賣身收入就會更厲害。
其他風俗店中，囡囡選擇浴姬嘅較多，可能侍浴服務就係日本風俗業嘅代表，一般對風俗行冇認識嘅少女，就以為做風俗孃就係做浴姬，所以出現咁嘅結果，而當中有囡囡明白做浴姬雖然同客人赤裸相對，而且進行貼身服務，但不需要進行性行為，覺得自己心理上接受得到而選擇，其實做浴姬體力付出好大，絕對唔好做。
撰文：小德