大頭蝦：^v^ 最近有雜誌嘅封面刊出了一位廿六歲嘅母親，用人奶餵哺四歲兒子嘅照片，呢篇報道出街之後坊間有彈有讚，反對嘅話小朋友都四歲，應該明白男女有別，仲餵人奶就有點那個，但亦有朋友表示贊成，話餵奶能令母子關係更親近，計我話除咗個小朋友開心之外，佢老公都唔錯，因為晚晚都有媽媽奶飲。
大眼明：+_+ 報道話呢個廿六歲媽媽，原來佢媽媽都一樣，餵奶餵到佢六歲至停止，所以佢覺得餵哺人奶嘅感覺好好，佢仲有一個五歲嘅養子，都一樣無分彼此，照餵人奶佢食，而呢個養子更係四歲至被佢哋領養，我估小朋友入到屋企第一餐就係食奶奶，都唔知佢開心定唔開心，但點都好，有一樣可以肯定嘅，就係一定唔會餓親。
大耳牛：*~* 我都係關心佢老公多啲，事關小朋友都四五歲，主食都係正餐，只不過循例每日可能飲一兩次奶奶咁解，唔會仲餐餐飲人奶啩，唔係邊有營養快高長大，但哺乳期嘅女性，如果奶水唔洩出，乳房就會有脹爆嘅感覺，十分唔舒服，我睇小朋友食剩嘅奶水，佢老公就要發揮作用，每晚大掃貨，如果唔係太太邊有覺好瞓呀！
大頭麗：#o# 我覺得呢個媽媽十分偉大，一來幾年嚟唔做嘢，日日專心餵哺人奶畀兒子，二來連養子都有得飲，夠晒大公無私，所以我覺得呢個媽媽十分偉大，但如果我做咗人哋阿媽，唔使返工餵一年半載都無所謂，但餵到兩歲已經好太過，三歲更一定係無可能，餵到四歲，真係唔寫個服字畀佢都唔得。