最近英國有調查發現由於經濟唔好，反而造就咗情趣用品巿場，單係英國婦女就多達四分之三人擁有情趣用品，數字真係幾誇張。而日本就有女性雜誌做咗個擺放情趣用品嘅調查，睇吓囡囡最喜歡將啲「架生」放喺邊度，答案幾出人意表o架！
好此道嘅囡囡，佢哋嘅「架生」一定唔少，而且有啲買定嚟同愛侶共用，所以粗略估計大大小小，最少都有十件八件，所以佢哋都會準備定一個百寶箱，專為收藏情趣用品而設，平時放喺大衣櫃或者行李箱裏面，有用時就攞出，而且百寶箱內除咗道具外，還有好多輔助用品，例如潤滑油、清潔紙巾甚至安全袋都有。
如果囡囡同家人住，怕家人替佢換床單時發現秘密，佢哋通常都會將情趣用品收埋，而最常見嘅收藏位置，就係佢哋擺放內衣褲嘅衣櫃裏面，呢個櫃桶有時就算女性親友都未必深入查看，所以絕對安全，而收埋情趣用品喺櫃桶嘅囡囡大多數都係啱啱入門嘅初哥，佢哋「架生」唔多，所以一個櫃桶仔都夠收藏晒。
好多囡囡都係自己一個人住，所以啲情趣用品就會喜歡隨處亂放，但又怕亂放後搵唔番，於是會放喺最就手攞得到收得埋嘅地方，而枕頭底就係最佳位置。囡囡話有時夜深人靜，徹夜難眠，又懶得起身搵，最快捷有效嘅方法，就係伸手往枕頭底一摸，摸到震蛋就用震蛋，摸到震棒就用棒棒，即時解決需要，話都冇咁快。
撰文：祖