路人乙：/_\ 最近有兩位議員採取拉布戰術，搞到新舊政府嘅尊貴官員頭都痕埋，佢哋「揼波鐘」嘅方法，真係層出不窮，千變萬化，唔知呢啲招數可唔可以用喺夜場裏面呢？你話如果可以將45分鐘嘅服務，畀你拉布到90分鐘，甚至更長嘅時間，咁真係賺晒，諗起都興奮呀！
笨占：#o# 聽落有得諗喎！好似囡囡做前奏時，一時叫佢摸心口，一時又叫佢摸背脊，跟住又話唔啱，要佢摸肚皮，跟住就話佢力度太細，轉頭又話力度太大，係咁拉布落去，單係前奏都玩佢個零兩個鐘，到戲肉時照辦煮碗，一時要擒高，一時要趴低，不斷叫修訂，呢鋪仲唔賺晒。
夜行人：*~* 我勸你哋千祈咪搞搞震，囡囡見你哋喺度搞事，唔會逆來順受，佢哋一聲落閘放狗，你哋邊度都唔使去，唔好話出去行吓。其實拉布呢家嘢真係唔好學，有乜嘢招呼唔到咪出聲同囡囡講清楚囉！佢哋一定會設法滿足客人需要，但你玩拉布就有玩嘢之嫌，後果自負。
林大雨：+_+ 其實有乜唔滿意，出聲拆掂佢囉，好似啲議員咁樣，佢哋點解要拉布，搞咗幾日都唔知為乜？我哋情願佢哋辯論，辯唔掂再掟蕉都好過玩拉布，因為拉布影響嘅只會係工作人員，對件事一啲幫助都冇，好彩立法會啲工作人員脾氣好咋！換轉夜場有人玩拉布，黑布蒙頭拉咗落後巷打一身啦！仲有佢哋家陣咁得意咩。