內地每年每月都會湧現演藝界新人，而在芸芸新血當中，有啲潛質優厚、演藝出眾，有啲緋聞多多，總之有番兩三度板斧傍身，今日就喺網上搵嚟三位生力軍，睇睇邊個最有機會短期內走紅。
選美出身嘅劉琳，樣貌身材絕對唔講得笑，單係170cm身高同35吋完美上圍，就已經令佢人氣爆燈，劉琳既係人氣模特兒亦都係一名藝人，但佢做戲嘅機會較少，反而主持節目就比較多，所以劉琳除咗身材好，口才都十分了得，唔少製作單位都向佢埋手，據講今年有機擔正做劇集嘅第二女主角，想唔紅都難呀！
家鄉：江蘇
三圍：35-23-35
身高：170cm
黃莞婷喺影視圈都有一段日子，但人氣不及佢喺模特兒界，事關佢人靚身材好，早就喺網友心目中成為人氣一姐，但喺北影表演系畢業嘅莞婷，當然唔甘心只做平面模特兒，所以多年來都有接拍一啲影視作品，吸收咗唔少經驗，正所謂瘦田冇人耕，耕開有人爭，據報今年有多間公司搵佢合作，睇嚟總有作品可以令佢一炮而紅。
家鄉：陝西
三圍：31-24-31
身高：167cm
在電影《夜宴》中擔任周迅替身嘅薛麗娜，自真身亮相後，秀麗脫俗嘅形象，獲各界一致好評，於是勇闖演藝圈，期間成績不俗，工作一浪接一浪，但可惜遇上神秘嘅枱底交易短訊，令佢有段時間產生退意，唔想再喺娛樂圈打拚，後在各方鼓勵和支持下，收拾心情，繼續努力，被網友喻為2012年嘅最有飛躍能力演藝新星。
家鄉：山西
三圍：31-24-35
身高：165cm
撰文:賢