剩女剩男問題唔只限於香港，世界各地亦有好多男女需要尋找心儀異性拍拖結婚，所以就有好多約會網站出現，等大家可以上載自己嘅資料，畀其他有緣人配對。不過，美國一個叫做Meet-An-Inmate.com嘅約會網站，最近就出現咗好多身份特殊嘅女性有緣人。當中一份「美國最索50名女囚名單」，上面除咗列明多位女囚嘅年齡、所犯罪行、身高，擇偶條件、放監日期等資料外，仲上載埋佢哋嘅相片添！嘩！乜原來美國咁冇個人私隱保障架？
撰文：祖