作為一個宅男，閒在家中通常會做兩件事，一係睇影碟，點解唔睇電視節目呀？冇辦法啦，家陣嘅電視劇實在好悶，來來去去都係嗰幾個演員，而且劇情又係抄來抄去；另外一件事情就係用電腦打機或上網同網友吹水。兩件事都需要我哋坐定定，為咗保護我哋嘅背脊，一個舒適嘅咕臣絕對唔少得。如果各位宅男都有用咕臣，咁呢款咕臣套就一定可以令大家用得特別開心喇。呢款咕臣套印有虛擬女歌手《Super Sonico》嘅性感肖像，底面各有一個爆乳半露以及美尻大露嘅形象，兩面都極盡火辣，將《Super Sonico》嘅勁爆身材表露無遺，用呢個咕臣嚟墊住背脊，必然覺得舒適過人，盡可幻想背部感受來自《Super Sonico》嘅爆乳同美尻。