偉哥：*~* 最近英國揭發利物浦一名妓女，收到電召之後到醫院提供性服務，醫護人員同埋警員全程視若無睹。據報道指有病人喺色情網站睇中一位應召女郎，就用手機發短訊畀佢，要求佢即時到醫院提供服務。妓女到達醫院之後，嫖客就出現，妓女即時用輪椅將嫖客推到二樓傷殘人士洗手間，為對方提供性服務。事後有人向妓女求證，佢直認不諱，更透露以往也試過喺醫院賣淫，而且嫖客係一名醫生添！事後醫院其他病人都不滿，鬧爆醫院不特止，更加話要告醫院保安太差，影響病人嘅人身安全咁話。
阿龍：^v^ 呢個世界真係無奇不有，自己已經病到死死吓，仲有心情召妓，真係佩服到五體投地，計我話醫院應該寫明如果病人召妓途中發生病變的話，醫院係唔會負責任嘅！等啲好色病人自己諗過度過，真係好頂唔順的話，寧願自己解決好過召妓喇！
細昌：#o# 有咩咁出奇，醫生同病人都係男人，男人咩時候都有性需要，性慾呢件事同運氣一樣，話嚟就嚟，自己都控制唔到架！所以其他病人應該體諒一下，唔好小小事就嘈生晒！
阿南：@o@ 我就話邊個召妓都無乜所謂，最緊要唔好影響到其他人就得喇！如果病人自己覺得身體應付得嚟，佢就有召妓嘅權利喇！計我話個妓女如果肯着埋護士服，咁仲完美呀！要知道好多長期病患者，成日瞓喺醫院好悶架！仲要日日對住啲靚護士，又無得摸無得食，梗係心郁郁喇！所以叫妓女上門玩埋制服誘惑就真係一流喇！