自從手機上增設咗一個短訊收發功能之後，人與人之間嘅溝通又多咗一個渠道，對於熱戀中嘅男女更加多一個方法維繫感情，甚至增加慾火，皆因好多男女都鍾意互發情慾短訊。根據英國一個調查，發現二千名男女當中，有48%嘅女性鍾意發情慾短訊，比男人多百分之三。不過，男人於另一個範疇都唔輸蝕，因為調查指出有25%嘅男人居然大膽到向從未約會過嘅異性發情慾短訊，而女性則只有16%。不過，調查仲有一個有趣發現，就係咁多發送情慾短訊嘅男女，有些曾經試過將短訊發錯對象，更有人表示短訊除咗包含綿綿情話之外，更附上性器官照片添，咁唔小 心都有架？