但凡係電影頒獎禮，嚟嚟去去都係最佳電影、最佳劇本、最佳男女主角等獎項，但係對我哋呢亭麻甩佬嚟講，卻最想睇吓邊套電影中嘅床戲最正！美國就有網站網羅咗呢四十年嘅電影，並選出邊齣戲中嘅床戲最讓人回味兼火辣度爆燈。究竟邊齣戲內嘅曳曳場面，至能讓大家難忘呢？
呢套喺1973年拍攝嘅意大利懸疑電影，講述城市中嘅神秘殺人事件，而男主角則喺一連串不可思議嘅事件中，慢慢揭開事件嘅真相。套戲固然拍得唔錯，而嗰幕男女演員Donald Sutherland同Julie Christie，喺浴室度曳曳嘅場面，更係讓人印象難忘！浴室激戰好多戲都有，呢套又有乜嘢特別呢？如果覺得露股同露三點都唔算勁嘅話，咁話畀你知，男女主角承認呢幕浴室曳曳，查實佢哋係喺度打真軍嘅，咁仲算唔算激呢？
呢套2005年推出，講述男主角為保家人，勇擒兩賊卻意外地揭開佢過去身份嘅電影，內容不但極為血腥，而男主角Viggo Mortensen同女主角Maria Bello，喺樓梯激戰嘅一幕，更係讓人難忘。雖然呢段樓梯大戰，只不過係幾分鐘時間，但卻激情十足之餘，導演更巧妙咁用唔同嘅角度，同埋剪接技巧，讓樓梯大戰更有節奏感，動作變得更加激烈。當然，另一個得獎嘅原因係因為索女Maria，喺戲內有露兩點嘅演出啦！
呢套美國電影喺2001年推出後，即刻喺法國康城影展中大獲好評，導演David Lynch更得到最佳導演大獎，絕對係一齣好戲！原來當中嘅女同場面，同樣受大家讚賞。點解呢個場面可以得獎？皆因佢不但拍出當中嘅纏綿不已嘅肉慾關係，更係養眼得嚟亦唔下流，加上兩位索女主角嘅露點演出，最重要係當中並非只係單純嘅肉慾享受，完事後當事人更有肢體同言語上嘅交流，確係比睇四仔有內涵得多。
以上三套戲都未睇過又未聽過？唔緊要，呢套片大家一定聽過！事關呢套片當年曾經喺香港上畫之餘，當中嘅情慾場面更係讓佢備受讚賞。邊個場面咁正？咪就係講男主角幫女主角影裸照時，男主角受唔住女主角性感甫士嘅誘惑，結果雙雙碌咗上床囉！
撰文：魂