標青草：+^+ 我成日見宣傳話要營造關懷社會，點知有人入咗院兼得番半條人命，個上司冇問候過一句之餘，仲要畀佢追攞病假紙，真係世態炎涼呀！不過話說回來，佢哋都唔係單一事件，好似美國班四仔脫星咁，佢哋入咗廠已經手停口停，公司冇慰問一句，反而仲要逼佢哋拍戲，搞到佢哋病住拍床戲不特止，有時仲要捱足幾日拍攝工作，真係好慘情呀！
無狸頭：#^# 你講緊個脫星係咪Kayden Kross呀？佢真係病得好嚴重呀！據佢講本嚟身體已經唔好，感冒菌入肺搞到肺炎不特止，早前仲要拍場落水戲，同個大隻男優打水戰之餘，仲要扮得好鬼High，結果佢拍完呢套戲後，就喺微博話要Sick Leave幾個禮拜，話暫時唔再拍戲咁話，而佢仲大爆公司罔顧佢健康，話佢已經申請病假，點知公司仲要派通告畀佢，你話係咪慶先？
芝麻卷：9^9 其實好多人都以為脫星份工好好撈，唔使點做，攤喺床度就有錢收，只係實情佢哋好似賣咗身嘅奴隸咁，就算做到虛脫都要照做。唔單止Kayden Kross係咁慘，好似我個女神Sasha Grey，佢早排就宣布引退。原因係佢呢段日子捱得太辛苦，不但搞到周身散晒，個人嘅精神同情緒都好唔穩定，點知佢公司卻唔畀佢放假，為咗健康着想，於是佢同公司解約，情願賠錢都要引退。
OL小飛象：6<6 呢個世界就係咁難撈架喇！邊個叫你係打工仔呢？查實脫星都幾慘架！有啲脫星簽咗份賣身契畀啲無良公司，結果搞到自己好似豬仔咁畀人賣。學似Sasha Grey咁搵到錢嘅人氣脫星，就話可以幫自己贖身啫！一啲啱啱出道，冇錢之餘仲要欠人哋錢嘅三、四線脫星，睇錢份上惟有死捱，聞說有啲脫星喺拍攝時，攰到暈咗喺床度，因此佢哋賺嘅錢，真係有血有汗架！