加落卜：+^+有不法之徒，專打一樓一姊妹嘅主意，又打劫，又食霸王餐，最近仲接二連三出現埋變態色魔，睇見呢啲新聞都十分痛心，囡囡都係人，點解要咁對佢哋呢？大家試諗吓冇晒啲鳳姐，呢個世界會變成點，相信有一半嘅男人會冇晒人生樂趣，既然佢哋咁重要，我哋真係要諗諗辦法幫吓佢哋，以免遭壞人嘅毒手。
減水腫：#^#計我話囡囡最好集中經營，每一區同一大廈或者同一層數，集中十零廿個囡囡喺度搵食，一來可以互相照應，一有唔妥，只要大叫一聲，相信壞人都出唔到大廈門口，二來客人嚟搵囡囡亦方便好多，好多朋友話太多客人巡樓會好危險，其實正好相反，客人免費巡樓比看更仲勤力，一有事就有人報警，囡囡可保安全。
百達通：6<6我話囡囡應該學啲阿公阿婆，喺鳳樓裏面裝一個平安鐘，萬一遇上乜嘢意外就可以即時按掣，有關方面就會打電話嚟查詢，如果冇人聽嘅就即刻報警求助，但有冇社福機構肯幫呢班弱勢社群呢？另外有老友就話加裝閉路電視，由保安公司監控，我個人就反對，因為畫面容乜易流出，制唔過！
老實人：9^9我其實老早就同啲老友講過，叫所有鳳姐都攞商業登記，之後佢哋就打正招牌做生意，一有事就報警，萬一幢大廈有案件發生，就要求警方加強巡邏，再唔係就整本簽到簿喺囡囡嘅門口，人哋銀行金舖都係咁做，唔通一樓一就唔係做生意咩？