最近有單嘢好搞笑，話說美國有間咖啡店，老闆為咗增加生意，要全場女侍應三點式示人，而且仲安裝 Webcam把性感侍應嘅工作情況，上傳喺互聯網，希望多啲人認識，但好衰唔衰，呢位老闆(目及）中咗其中一位女侍應，喺下班後仲同佢喺咖啡店裏面就地正法，而精彩嘅過程更喺互聯網直播，搞到做咗四仔男主角添。
我都曾經中招，因為個小朋友交外傭照顧，所以我都喺屋企安裝咗個Webcam喺大廳，點知有日放假屋企冇人，我咪貪得意，攞返啲珍藏AV出嚟睇吓，點知睇到一半，突然老婆就打電話嚟問我做乜？我當然話冇嘢！點知佢話唔使唔認，我知道你睇緊鹹片，呢個時候至醒起Webcam冇關，好似冇做乜嘢，唔係就更加瘀死啦！
大家對Webcam真係好缺乏安全意識，好似我做保安嘅唔怕同大家講，屋苑附近其實好多地方都安裝咗Webcam，所以啲年輕男女親熱就算躲埋最隱蔽嘅地方，我哋都可以睇得一清二楚，而且家陣嘅Webcam仲可以遙控，更可以遠距離放大，所以有時住客喺大廳做乜嘢，我哋都可以睇得清清楚楚，年中慳唔少買鹹片嘅錢呀！
唔好扯咁遠，講返電腦嘅Webcam，據我啲好姊妹講原來如果你部電腦被黑客入侵嘅話，佢哋可以唔開啟電腦，只透過攝像頭睇到晒你喺屋企嘅情況，特別係你部電腦放喺睡房，咁佢哋就可以睇到晒你嘅私隱，所以有姊妹提醒我，每逢換衫或者沖完涼出嚟，都要把Webcam蓋住，男朋友嚟就更加封起嚟，否則後果堪虞。