最近東莞一帶嘅骨場，都流行囡囡入房後要喺客人面前跳大約十零分鐘嘅艷舞，本來都幾盞鬼嘅，因為有個靚女喺你面前扭動身體，搔首弄姿，就算囡囡唔係好識跳舞，照計都好有效果，但有試過嘅老友就評批呢個玩意冇料到，唔加好過加。
點解劣評如潮呢？據資深骨友話：「骨場嘅囡囡，唔係個個都識跳舞，就算話識，都要睇清楚佢哋識啲乜嘢舞，因為有啲囡囡將自己喺的士高跳嘅舞步，就當識得跳舞，咁出嚟嘅效果就會差天共地。」有朋友話囡囡入到房，喺冇的士高嘅音樂下，忘情跳咗十幾分鐘，一來唔知佢跳乜，二來跳完都冇晒氣力，對之後嘅服務，唔多唔少都有影響，所以好多客人都叫囡囡唔使跳舞，至於一啲真係識得跳舞嘅囡囡，佢哋跳起艷舞嚟又真係幾誘人，但係亦有朋友嫌棄。
喺冇音樂嘅情況下跳舞，客人真係會冇乜感覺，唔似喺大廳睇表演時，囡囡一大班，加上有強勁嘅音樂做陪襯，就算舞藝一般，喺現場氣氛幫助下都會似模似樣，但家陣入到房，就算囡囡使出渾身解數，客人睇落始終都冇咁過癮。亦有心水清嘅朋友話，囡囡一入房就跳十幾分鐘舞，之後其實就少咗十幾分鐘嘅服務，不如做多十幾分鐘有身體接觸嘅服務仲實際，聽落又幾啱，難怪劣評如潮啦！
地點：東莞
語錄：囡囡跳艷舞，技巧有級數，亂跳冇料到，服務要周到。
撰文：賢