體慾美人：長跑索女 毅力闖頂峰

內地代表：曾小桐

雖然有啲人天生事業運相當好，但極大部分人想有出頭之日，就只有靠毅力至得。好似九十後嘅曾小桐咁，個樣不但索到爆，而且魔鬼級嘅身材更係讓好多女性羨慕不已，故此曾小桐甫出道，就馬上深得網友歡心，瞬間成為網上紅人！早排小桐更為某雜誌，化身成賽車寶貝，影咗一輯噴血嘅火辣寫真，全裸嘅造型睇到好多男士流晒口水。不過咪以為小桐事業睇起嚟一帆風順，其實佢都有過好多辛酸嘅故事，好似為咗買衫裝身，佢曾經搵朋友借衫，甚至同屋企人借錢。雖然小桐捱得咁辛苦，但卻仍然堅持佢模特兒嘅工作。點解佢會咁不屈不撓呢？小桐曾表示可能係同佢自細玩長跑有關，長久嘅鍛煉下，讓佢嘅意志變得更堅定，只要定下目標就會勇往直前。話又說回來，唔知小桐孭住一對咁堅挺嘅車頭燈，跑長跑時會唔會覺得辛苦呢？

日本代表：西田麻衣

同樣係長跑愛好者嘅西田麻衣，身材同小桐一樣辣度十足，尤其係嗰對35H嘅車頭燈，更係點都估唔到佢係個長跑好手！早喺○六年時，麻衣以「泳裝偶像選拔賽」嘅冠軍姿態加入水着界，更以激凸身材成為男士嘅焦點。不過佢嘅事業亦非一帆風順，入行後，由於工作唔多，為咗維持生計，佢曾經喺便利店度打工，間中客串做電影演員，卻始終未能成名。好彩麻衣並無因此而退縮，去年終於等到出頭之日，推出其首張水着寫真DVD《麻衣，初次見面》。作品推出市場後，不知幾咁受到歡迎，今年不但推出新嘅寫真作，更會參與電影、舞台劇、廣播劇等演出。面對呢種轉變，麻衣笑稱呢段時間全靠不斷練跑，每當有唔順意時佢就會起勢咁跑，話可以幫自己減壓，同埋鍛煉自己嘅意志，唔會因為挫折而退縮，結果終於等到今日嘅成功！

曾小桐Profile：

年齡：20歲

三圍：35、23、35

身高：165cm

職業：模特兒、賽車女郎

西田麻衣Profile：

年齡：23歲

三圍：35、23、32

身高：158cm

職業：水着女優、演員

撰文：峰魂簫