小弟一直都認為，要勾起男人嘅遐想，其實可以從好多方面着手，火辣嘅胴體、美艷嘅面孔、銷魂嘅聲線、深情嘅眼神、輕柔嘅接觸。另外，香味亦相當重要，只要聞到女性身上散發出嘅香味，必然令大家精神一振，甚至慾火蔓延全身。由於了解到香味係咁重要，所以日本一間動漫產品生產商就為旗下嘅虛擬性感美女歌手，推出香薰貼喇。
Supersonico係一位虛擬動漫少女歌手，形象性感，成日都大露雙峰，所以推出嘅歌曲MV以及Figure都甚受歡迎。最近，其公司就以阿妹嘅形象，印製成香薰貼，香味包括薰衣草、青蘋果、桃、海洋同檸檬味五種，適用於汽車車廂之外，亦可貼到房間，令室內充斥住誘人香氣，再望一望張香薰貼又可以見到Supersonico嘅露乳插圖，真係令人興奮。
售價：約HK$179
撰文：賢