好多人都以為玩體操嘅女仔，身材都唔會勁得去邊，但係凡事都有例外，好似嚟自內地嘅代表丁沫可同日本代表森下悠里咁，佢哋唔單止身體柔軟度極高，一字馬、側手翻、360度轉體等都難佢哋唔倒之餘，身材更係玲瓏浮凸，條蛇腰識扭又纖幼，邊個話玩體操一定唔會有好身材o架？
唔講唔知，家陣喺內地紅到發紫，以網絡性感美人而聞名嘅辣模丁沫可，喺未成為模特兒前，曾經諗住成為一位體操運動員，佢自細就進行訓練，從而練出柔軟度極高嘅身體。既然佢有咁嘅夢想，點解又會轉行呢？原來沫可發覺自己愈長愈高，須知道身材太高挑，對玩體操嚟講係個障礙，最後佢惟有捨棄呢個夢想。不過塞翁失馬，焉知非福，沫可憑住驕人嘅身材，同埋索到爆嘅樣，以一輯香艷又性感嘅寫真，被譽為新一代美乳女神。挾住超高嘅人氣，呢位索女即刻吸引到各大廣告商嘅目光，紛紛搵佢做廣告代言人、參加產品發布會，更有唔少潮流雜誌搵佢影封面，風頭確係一時無兩！近期沫可更涉足天橋，客串做時裝模特兒，以佢前凸後趷嘅身材，同埋艷光四射嘅靚樣，佢未來嘅發展相信可更上一層樓。
想成為一個人氣女優，除咗要有索樣外，身材更係不可或缺，而人氣水着女優森下悠里仲有一個強項，就係柔軟度極高嘅身體。話說佢曾經試過應攝影師嘅要求，擺一個高難度嘅甫士，悠里聞言二話不說，即刻抬起美腿嚟個金雞獨立嘅動作，咁仲唔算勁，皆因跟住佢叫攝影師嚟個連環快拍，然後當住對方面前玩空翻，嚇到攝影師目瞪口呆！悠里嘅動作咁矯捷，皆因佢讀書時已係個體操運動員，及後因傷患問題而退役。不過佢雖然冇玩體操，但係仍保持鍛煉，因此叫佢擺甫士一啲難度都冇。悠里笑稱好彩佢有咁嘅本領，否則好快會被後浪蓋過，而以佢依家嘅狀態嚟睇，可以做水着女優做到35歲。查實悠里唔單止影寫真掂，近排佢仲經常參與電影及電視劇嘅演出，仲做埋電視節目主持人、縱然佢唔做水着女優，都可以成為一個人氣藝能人啦！
三圍：35、22、35
身高：160cm
職業：水着模特兒、演員
三圍：35、23、34
身高：173cm
職業：模特兒、演員
撰文：峰魂簫