軍佬：#^#
最近有報道話俄羅斯國防部為咗吸引壯丁入去當兵，竟然開出新條件，就係容許新兵喺軍營內睇四仔，又可以用Skype同家人聊天，以解思鄉之愁。我覺得俄軍開出呢個條件，其實都唔係咩新鮮事，我就唔信軍營內咁多麻甩佬，冇人睇四仔，就算冇得喺電腦睇，都會偷偷摸摸睇鹹書喇！不過佢依家開宗明義畀軍人睇四仔，隨時會令軍營內嘅風化案增多，欺凌事件更加可怕。
我份人四肢發達，頭腦簡單，最適合當兵，可惜香港冇得當兵，所以我好羨慕俄羅斯啲軍人，可以公然睇四仔，又可以同家人保持聯絡，我依家喺屋企都唔可以公然睇四仔喇！所以我覺得當兵其實唔係好辛苦啫！比起服侍我屋企隻河東獅，我覺得當兵舒服好多。
聽聞軍營好多欺凌事件，又有強迫性基基行為，萬一體形唔夠其他人高大，隨時會成為欺凌對象，甚至畀其他男人當女人，要嚟發洩性慾，咁慘無人道嘅生活，梗係制唔過喇！好彩香港唔使當兵咋，如果唔係，大部分好此道者都去晒入伍喇！睇吓美軍喺伊拉克經常發生性醜聞同埋殺人事件，就知道當兵幾恐怖，隨時入完伍之後，唔止性取向變咗，連性格都變埋！
男人老狗，有咩好怕，當兵之麻，我史泰龍成身肌肉，係男人見到我都唔敢惹我，所以欺凌事件一定冇我份，不過睇四仔呢件事，我就算點鹹濕都一定唔夠班美軍鹹濕，事關據報道指美軍喺日本、越南、菲律賓、歐洲全球一共留下數以百萬計的私生子！單睇呢個數字，已經睇得出佢哋性慾幾旺盛，所以睇四仔真係好小兒科。