真係不得不佩服日本人嘅創意，早年曾經有一本叫做《一騎當千》嘅漫畫，居然將我哋三國時代嘅武將如關雲長、張飛等人，改畫為巨乳美少女，一洗威猛無匹嘅武將形象，創意同大膽程度實在令人驚訝。最近，亦有一隻極為出色嘅情色電腦遊戲玩呢家嘢，呢隻就係《英雄×戰姬》喇。此遊戲類近電腦遊戲中嘅《三國志》系列，需要玩家控制主角攻城掠地，原因係故事講述世界陷入群雄割據時代，打倒所有地方勢力，統一大地正係最終使命。
本作畫質極佳，帶兵打仗嘅時候，可以見到所有兵種都描繪細膩，色彩豐富，經營國家同打仗嘅時候戰略性不下於其他正統策略遊戲，抵讚。當然，玩鹹Game梗係要睇交歡畫面啦，本作絕對唔會少，因為作品入面有上百名角色，遊戲中稱之為戰姬，佢哋全部都係來自歷史及神話故事，好似呂布、秦始皇都有，不過完全被設定為女兒身，兼且上圍激凸。要統一天下兼佔領埋班戰姬嘅身體，就要考考玩家你嘅頭腦喇。
售價：約HK$917
撰文：祖