鋼管舞近幾年喺美國愈來愈流行，不過唔係當艷舞睇，而係當健身舞及減肥運動，更動議要將佢列入奧運比賽項目添！不過縱使好多人想將鋼管舞漂白或者健康化，但好多人仍然對佢嘅色情形象根深柢固，最近加州有間時鐘酒店，就增設了一項上門私人鋼管舞表演，希望為入嚟開房嘅情侶增加新鮮感及刺激性。酒店咁細心嘅服務，自然受到一眾客人欣賞，有唔少情侶試過叫艷舞女郎上房表演之後，男嘅就話會性慾高漲，女嘅就扁扁嘴，話男伴掛住睇艷舞，差啲唔記得自己女朋友係邊個，決定以後唔玩呢啲咁激嘅前奏。不過酒店諗到呢條橋，都足以大收宣傳效果，好多貪新鮮嘅情侶都話蠢蠢欲動想試吓！