地球上除咗一眾水上運動、沙灘排球，囡囡要着比堅尼參賽之外，原來美國仲有好多比堅尼運動，而Bikini Bowling就係其中一項，每年由Howard Stern做搞手嘅大賽，就吸引到好多年輕貌美身材又正嘅妙齡女郎參加，同時又吸引到好多好色之徒去捧場。每次囡囡一碌出保齡球，佢哋就一邊吶喊叫囂，令現場氣氛熱烈高漲，簡直熱鬧過奧運會。每位參賽選手，都係好有自信嘅囡囡，對自己嘅身材同埋球技都充滿信心，所以佢哋絕對唔介意男觀眾喺場邊吶喊，反而叫得愈大聲，囡囡就愈覺得自己有吸引力，就算贏唔到比賽，都可以贏得現場掌聲。現場有唔少囡囡都係想博上位，參加呢類賽事，其實同參加選美一樣，都係想靠自己嘅樣貌同身材一夜成名啫！