今日係愚人節，唔知大家一早起身有冇收到整蠱電話？開着部電腦又有冇收到整蠱電郵呢？不過，我覺得最大整蠱都係今日係星期日，成班同事都放晒假，叫我點樣返公司整蠱佢哋呀！慶幸嘅係，整蠱唔一定要靠自己雙手至過癮，睇住人哋被整蠱同樣開懷，為咗應節，小弟就同大家去到美國睇吓一班DJ點樣整蠱班索女啦。
正如我哋鍾意其他人嘅小朋友，都唔願意自己生仔一樣，睇住其他人被整蠱的確係一件賞心樂事，一來被整者唔係自己，為一樂也，二來整人者又唔係自己，唔需要怕被追究，為二樂也，所以往日由諧星吳耀漢主持嘅《搞搞震》甚受歡迎。不過，家陣要靠完全唔願付出創意，更唔肯付出多半分本錢拍電視節目嘅電視台就唔使諗，所以要欣賞呢類整蠱節目可以話絕望。然而，我哋仲可以從美國方面入手，好似當地一個叫做Bubba嘅多媒體頻道咁，就有一個叫做Bubba the Love Sponge Show（下簡稱BLSS）嘅節目，入面就有好多整蠱人嘅環節喇。
BLSS係由一個叫做Todd Alan Clem嘅男人創辦，當初就係請脫星去到其錄音室做訪問，然後漸漸發展成電視頻道，並且開始拍攝類似Jack Ass《死蠢鬥一番》咁樣嘅節目，安排有意挑戰自己嘅勇士接受不同形式嘅殘酷玩意，例如被綁於大樹再被人用氣槍射擊，又或者競飲唔知溝咗乜料嘅牛奶之類。之後，為咗吸引觀眾，BLSS開始請脫星做節目嘉賓。至於個人認為最過癮嘅整蠱項目，非口技尋棒莫屬。玩法係先將各式震棒丟到一個載滿水嘅膠箱當中，再叫戴住眼罩嘅脫星輪流以口將震棒咬上嚟，除咗考口技，仲要考閉氣耐力。而唔能夠咬到震棒嘅脫星就要接受懲罰，畀其他脫星以震棒刺激。
其他整蠱節目仲有擊股鬥響，玩法需要脫星露出玉臀，然後由Spanking，即打屁股專家以膠拍擊打，再由分貝計讀出其音量，最響為之勝出。另外，亦包括一個唔係人人都夠膽試嘅環節，就係飲奶喇。飲奶有幾難呀？此言差矣，皆因每杯奶都有不同材料配以牛奶，再由攪拌機打成，杯牛奶隨時溝咗甲蟲、狗餅或蚯蚓，畀你夠唔夠膽飲呢？唔考膽量，亦可能被考體力，因為BLSS仲會要求脫星到錄音室做節目嘅時候，即場嚟個鋼管舞大賽，不過最後主持人就會同佢哋講比賽其實子虛烏有，所謂嘅獎金同獎品根本就唔存在，認真大整蠱呀！
撰文：賢