講起扮嘢以不同造型示人，日本嘅風俗孃認咗第二，相信都冇人敢認第一，佢哋嘅認真同投入程度足以用明星級數嚟形容，但原來都有啲造型係佢哋唔喜歡嘅。最近就有日本成人網站做咗個討厭造型調查，記住下次咪叫囡囡扮呀！
原來好多囡囡都唔喜歡扮四眼妹，特別係原本就有近視嘅囡囡，佢哋就係唔想戴眼鏡所以至戴隱形眼鏡，但家陣又要戴住就會覺得好古怪。另外，一啲從未戴過眼鏡嘅囡囡，突然戴上眼鏡，就會變得乸手唔成勢，好難投入，仲話會影響表現添。
囡囡話扮護士可以扮作可愛又得，粗暴又得，但扮醫生就唔知點定型好，有時太酷，客人就會唔滿意，有時扮可愛，但客人又會話唔似，所以咁多角色扮演嚟講，扮醫生真係好難，而且仲要裝作鹹鹹濕濕，難度就會更高，好難演繹得好。
囡囡話咁多角色扮演中，最怕就係扮演拳手，事關客人真係會當你識打咁，一定會同你過兩招，就算客人留力都好，但手臂撞手臂時，真係痛到眼淚水都標埋，返到屋企雙手實瘀晒，仲要捽幾日跌打酒添，所以賺到嘅錢都唔夠買藥油，真係制唔過。
扮警察又有乜嘢咁討厭呢？囡囡話扮女警係就係冇難度，但喺夜店扮女警，萬一查牌或者有行動時，啲真女警就會畀面色你睇，如果要返警局嘅話，咁仲大件事，成間差館嘅人都會走嚟睇吓你或者潤你兩句，有時比起全身赤裸，仲難為情呀！
撰文：賢