大口柴：最近老婆睇得新聞多，學識要申報利益，於是第一時間要我向佢申報一切利益，否則日後查出，就會造成家庭危機，各位大家，我應唔應該老實向太太申報呢？
馬路仙：你老婆真係對你好好！結婚咁耐家陣至要你利益申報，我老公早喺拍拖時就已經申報一切，而且仲自動交出旅遊証件，十幾年冇返過內地，耐過泛民議員呀！
水蛇春：梗係唔好啦！你老實申報，以後搵個錢刮痧都冇，男人大丈夫，可以一世無妻，但不可以一日無財，到時仙都唔仙，睇住啲兄弟風流快活，慘過捉你去打靶！
床褥綿：話申報利益啫！講多講少畀老婆知，自己有得走盞嘅！例如一啲津貼、獎金、加班費等，咪自己落格囉！好似我咁，一樣可以南征北討，不知幾咁風流快活。