最近一年娛樂圈有好幾個高妹都相繼嫁出，但無獨有偶，嫁嘅都係外國人，娛樂圈嘅高妹真係咁難喺自己嘅圈子尋找另一半嗎？今日就搵嚟中日兩地高妹，周偉童同埋高橋優嚟一個大比併，睇吓邊位高妹本事啲，另外睇吓佢哋有冇感情上嘅煩惱？
高橋優身形高挑，身材都唔錯，但由於年紀仲細，所以唔係走性感路線，睇佢嘅寫真，真係稍欠火喉。至於周偉童，本身嘅身材就已經一啲都唔輸蝕，加埋性感演出，唔少網友都流晒鼻血，家陣過埋台灣發展，可見實力無可比擬，周偉童先取一局。
出道6年嘅高橋，一直都係以美少女形象示人，近年才作轉型，所以市場上一時都未能定位，但勝在粉絲夠多，有一大班Fans撐住。至於偉童出道有10年，期間有起有落，由於唔係咁識抓實粉絲嘅心，所以就算工作排山倒海，人氣都未能同高橋優一鬥。
高橋今年先至21歲，所以對感情事佢話一啲都唔擔心，仲話只要有粉絲支持，佢就會一直單身落去，咁識氹粉絲，難怪佢咁紅啦！至於偉童雖然已經快到30，但事業正值高峰，佢話暫時唔會放棄事業，專心眼前工作，兩個都唔擔心，呢局打平。
出生日期：1991年1月19日
三圍：34-23-35
身高：173cm
工作經驗：2006年出道嘅高橋優，一直都以少女形象俘虜觀眾，到18歲那年推出第一本寫真，表示自己已經大個女，帶畀大家唔同嘅一面，但出版後似乎反應一般，之後都係專心娛樂圈工作，近年專注拍電視，偶爾拍吓雜誌，比較低調。
出生日期：1982年8月26日
三圍：34-23-34
身高：175cm
工作資歷：內地有名模特兒，2000年參加模特兒比賽獲獎而入行，近年轉戰娛樂圈，拍過唔少電影同電視劇，最近更出咗一本寫真集，但佢唔喺老家打鑼打鼓，反而殺過台灣做宣傳，同一眾當地性感女星爭一日之長短，可見其勇氣十分可嘉。
撰文：峰魂簫