雖然話曾幾何時，香港興過黑燈舞，玩家落到場後，拎個打火機嚟照女，睇吓邊個囡囡啱心水。不過依家呢個年代，乜嘢都要講快，慢慢撻火揀女，真係好嘥時間，更何況係用電筒嚟揀女？話畀你聽，呢個感覺相當驚嚇！
嗰日收到老友嘅漫遊電話，原來佢喺常平度玩緊，以為佢咁好死叫我上去，點知佢卻用好驚青嘅語氣同我講，話佢頭先畀班女嚇親。事緣佢去到某個倉仔，諗住打木人巷之際，卻發現嗰度烏燈黑火。正當佢以為冚咗旗時，突然唔知喺邊度竄咗個燈頭出嚟，嗌佢入房揀女。須知道倉仔所在嘅民居，冇乜街燈設施，突然有個人走咗出嚟，已經嚇餐飽。點知入到屋後，更發覺伸手不見五指，呢個時候突然有個女人樣走咗出嚟，嚇到佢即刻大叫！原來當晚嗰區停電，屋內冇燈，燈頭就用電筒嚟照啲女畀佢揀。老友就話：「用電筒照樣嘅感覺，就好似入咗鬼屋咁，真係好得人驚！呢個時候我睇都唔睇，拿拿臨走人啦！」
特攻語錄：
電筒揀女嚇親人，遇着豬扒仲驚魂，嚇到玩家腳都震，叫人點爆房銷魂。
撰文：鋼炮仁