內地有宗新聞話有位考生正忙於準備高考，請個家教老師返屋企補課，其父母當然贊成，點知有一日聽見房間傳出呀呀聲，父母推門發現兒子與女教師正肉搏中，原來嗰位女教師係網上嘅出租情人，三百蚊就有交易。
呢單新聞爆出後，引起網友廣泛討論，好自然就分為兩派，一派覺得男生不自愛，竟然喺準備高考期間，受唔住誘惑召妓，但另一派就話考試嘅壓力實在太大，唔宣洩吓會無法支持落去。我哋搵咗位知情人士方哥（化名），問吓佢喺高考期間，係咪多咗學生哥幫襯。方哥話：「我哋一般做到過年前就放假，以前冇四五月都唔會再埋班，但近年多咗好多高考生聯絡，我哋二月中已經開始組班，而且生意一開咗頭，就會做到停唔到手，有試過全校嘅高考班男生，都幫襯過我哋。」
啲學生哥真係咁大壓力？方哥話：「有部分係因為讀書壓力，所以幫襯我哋，但之後再介紹嚟嘅，往往唔關壓力嘅問題，而係為咗滿足新奇好玩。」有乜嘢咁吸引佢哋呢？方哥話：「我哋啲囡囡會扮成補課老師上門，單係制服誘惑，都已經叫啲學生哥食指大動，何況如果交易進行中，父母只係喺房外，嗰種罪惡感，比性滿足仲要大，所以佢哋試過就會不停再試，而且還會介紹同輩嘅朋友。」原來係咁，所以做父母嘅真係要𥄫到實，遇上啲妙齡性感女教師，真係要多打十二分精神。
撰文：賢