有啲老友返上內地玩，同心儀嘅囡囡一夕纏綿之後，就會情根深種，以後只會找呢個囡囡見面，我哋叫佢哋做「沉船」，但前輩教落：「歡場無真愛」，有時襄王有夢，但神女未必有心。而今日就介紹兩招，睇吓個囡囡係唔係一個有心人。
第一招就係扮花心，故意喺佢面前同其他囡囡打情罵俏，如果佢反應冷冷淡淡，當乜都睇唔到，咁就可能對你冇乜意思，純粹係交易關係，再唔係就係看透世情，乜嘢都唔計較，對你嘅感情付出，亦都會一樣。但如果囡囡反應過激，大吵大鬧，甚至大打出手，亦都唔好認為係好事，因為佢控制欲太強，可能只係唔想冇咗條大水喉，又或者唔輸得嘅心態太強。而囡囡最佳嘅反應，就係有唔開心嘅樣子，但喺大庭廣眾仲會畀面你。遇上咁嘅囡囡，九成係對你有意思，死心塌地跟住你。
第二招就係最多人用嘅扮窮，好多朋友北上都喜歡扮豪客，畀貼士都一百一百咁畀，但其實真係冇必要，你扮窮反而最好，特別係喺女朋友面前，你愈扮窮，佢仲愈肯跟你，咁就證明係真愛。當然又唔好做到好乞人憎，又食又拎，做小白臉嗰隻，主要消費仲係由你嚟畀，但畀佢個份就永遠唔足數，如果囡囡咁都冇詐型嘅，都算唔錯。仲有一招就係臨走時同對方講，身上冇晒人仔搭車，睇佢畀番一百定幾條嘢你，就知道個囡囡對你有幾真心，我就試過，個個都係畀幾條嘢我咋！
撰文：小德