渡海濠情：我愛夜蒲 肌膚似蜜桃
好多阿媽都勸個女唔好成日夜蒲，因為對身體唔好，而且最傷嘅就係皮膚，除咗會暗啞同失去光澤外，仲會起痘痘添，真係嚇到唔少人乖乖哋準時返屋企，但嚟自9號會所嘅靚女蘭蘭，佢就話以自己為例，力撐夜蒲唔會傷皮膚喎。
水嫩晶瑩
蘭蘭話：「我啲皮膚出晒名好，又白又滑，但係我晚晚都夜蒲，唔到天光都唔返屋企瞓覺。」睇落蘭蘭嘅皮膚又真係幾晶瑩，近睇仲白裏透紅添，問佢點解咁喜歡夜蒲呢？蘭蘭話：「其實一個人天生唔會喜歡夜蒲，一定係喺夜蒲中識到啲好特別嘅朋友，因而吸引你晚晚落去玩，好似我咁，我班夜蒲朋友，個個嚟自唔同行業，每晚同佢哋吹水，都獲益良多，而且遇上問題要解決時，不同嘅腦袋提供嘅方法都唔同，有時比啲醫生律師提供嘅專業意見仲專業呀？」乜蘭蘭嘅夜蒲，咁正經嘅？
亂搞一通
蘭蘭話：「如果遇上新朋友，大家又情投意合，當然會玩啲唔正經嘅嘢啦！假如自己班朋友都亂搞一通，咁就好難會每晚聚埋一齊。」睇嚟佢真係晚晚蒲嘅人，但佢嘅護膚之道究竟係點嘅呢？蘭蘭話：「可能同我要瞓足八個鐘以上有關，同時我好少食煎炸嘅食物，所以唔易上火，再加上天光至瞓，太陽落山至起身，所以有好多年都冇見過陽光，所以啲皮膚至有咁白滑。」原來係咁！所以大家第二日要返工操勞嘅朋友，就咪亂學啦！
蘭蘭profile
年齡：21歲
三圍：33-23-34
興趣：夜蒲
撰文：小德
攝影：阿昌