本人身壯力健，每次同太太做愛都戰意高昂，但最近發現太太買咗幾盒可以增強持久力嘅避孕套返嚟，唔通畀我用？定係佢有契家佬，買嚟同人哋用呢？請大家指點吓。
擺明就係你吹水唔抹嘴，喺性方面滿足唔到太太啦！仲認屎認屁嚟做乜！如果你係自己講嘅咁掂，太太就唔使搵其他男人幫手或者要你用持久裝嘅袋袋啦！
我估你後生時都幾勇猛，但最近一定係狀態回落，所以你太太至買定嚟畀你用嘅啫！何況如果真係紅杏出牆，都搵猛男啦！搵個要戴持久裝嘅腎虧佬嚟做乜？
我話你太太一定係正值狼虎之年，所以你就算點勇猛都好，佢都覺得你唔多掂咁樣，於是咪大量購入持久裝嚟看門口囉！事關我老婆都係咁樣，佢又嚟啦……